Li Wan, Bidlîs û Hekariyê ji ber şertên neyînî yên hewayê rêya 103 cih û waran girtî ye.

Li gorî daxuyaniya Şaredariya Bajarê Mezin a Wanê, ji ber berf û bagerê li bajêr rêya 9 tax û 11 mezrayan hat girtin.

Ekîbên berfê xebatên xwe yên vekirina 20 rêyên girtî didomînin.

Li navçeya Başkaleyê jî piştî barîna berfê, ekîbên şaredariyê berfa li ser kuçe û kolanan paqij kir.

- Hekarî

Li bajêr berfa ku du roj e bi navber dibare û her wiha mijê tesîreke neyînî li jiyanê kirin.

Li gorî agahiya ji Rêveberiya Taybet a Parêzgehê hat wergirtin, li bajêr ji ber berf û bagerê rêya 82 tax û mezrayan hat girtin.

Ekîbên berfê xebatên xwe didomînin ku rêyên girtî vekin.

Her wiha welatiyan jî tevî ser wesayîtan, berfa li ber mal û kargehên xwe paqij kir.

- Bidlîs

Midûrê Xizmetên Rê û Veguhestinê yên Rêveberiya Taybet a Parêzgehê Umît Kurtkan diyar kir ku ji ber berfê rêya gundekî hat girtin.

Kurtkan bal kişand ku ji bo vekirina rêya gundê navborî, wan xebat da destpêkirin.