Li Çaldirana navçeya Wanê, 2 wesayit li hev qelibîn û di encamê da 4 kes mirin û 2 kes birîndar bûn.

Li ser rêbeja di navbera Çaldirana Wanê û Bazîda Agiriyê, nêzîkî taxa Aşagi Kuyucakê, wesayita bazirganiya sivik a bi plaqeya 34 DCM 607 ku Ahmet Ozturk diajot, û otomobîla bi plaqeya 04 B 0156 a ku Siddik Arslan diajot li hev qelibîn.

Li ser îxbarê ekîbên tendirustî, cendirme, îtfaiye û polîsan hatin cihê bûyerê.

Di qezayê da li gorî tesbîtên berahî 4 kes hatin kuştin, 2 kes birîndar bûn.

Birîndar bi ambûlansan rakirin Nexweşxaneya Dewletê ya Çaldiranê.