Li Tunceliyê bi pêvajoya asayîbûna bikontrol va kargehên wekî restoran, kafeterya, pastexane, qiraetxane û çayxaneyan bi sedî 50 kapasîteyê va dest bi xizmetê kir.

Li gorî nexşeya nirxandina rîska cureya nû ya vîrusa koronayê (Kovîd-19), li Tunceliya ku neket nav bajarên ku rîska wan zêde ye, pêvajoya asayîbûna nû dest pê kir.

Li bajêr esnaf kêfxweş e ku piştî demeke dûr û dirêj ew ê dest bi xizmetê bikin. Lewma jî xwediyên kargehan sibehê zû rabûn û berê xwe dan kargehên xwe.

Xwediyên kargehan dê li gorî pêvajoya nû xizmetê bidin û di vê çarçoveyê da jî dê di navbera saet 07.00-19.00an da bi sedî 50 kapasîteyê va vekirî bin.

Xwediyê kafeyê Haydar Gul di daxuyaniya xwe ya da peyamnêrê AAyê da diyar kir, ew gelekî kêfxweş e ku piştî demeke dirêj wî karegeha xwe vekir.

Gul got ku pêvajoya nû ya asayîbûnê li hemû esnaf bi xêr be û wiha dewam kir, "Înşelah herkesê qezenceke baş bi dest bixe û em ê jî zûtirekê ji belaya vîrusa koronayê xilas bibin. Ji xeynî vê em ê li kargehên xwe pabendî rêgezên hîjyen, maske û mesafeyê bibin. Her wiha em ji muşteriyên xwe jî dixwazin ku tedbîran cîbicî bikin."