Li Akçakaleya navçeya Şanliurfayê jina ku di ambulansê da welidî navê xebatkarê tenduristiyê li pitikê xwe kir.

Li gorî daxuyaniya ji Rêveberiya Tenduristiyê ya Parêzgehê, piştî ku jina bi navê F.G. ya li taxa Gunorena gundewarî dijî, qolincên welidînê hatinê, ambulansek ji bo mala wê hatiye şandin.

Jineke ducanî ya ku nikaribû di wextê xwe da bigihêje nexweşxaneyê, bi piştgiriya paramedik Bîrkan Dagaşan û paramedik Melek Gez, di ambulansê da zarokê xwe anî dinyayê.

Ekîba ku di dema welidînê da bi berdewamî tenduristiya dayik û bebekê dişopand, piştrast kir ku pêvajoya welidînê bi rêkûpêk temam bû.

Piştî welidînê, dayik û kurê wê yê nûbûyî ji bo kontrolê birin Nexweşxaneya Dewletê ya Akçakaleyê.

Dayikê navê pitikê xwe yê ku giraniya wî 2.7 kîlogram û dirêjahiya wî 52 santîmetre bû, navê Bîrkanê ku pîriktî jê ra kir bebek anî dinyayê, lê kir.

Di daxuyaniyê da cih bo gotinên xebatkarê tenduristiyê Birkan Dagaşan hat dayin, ku wî anî ziman wan hesteke xweş jiyaye û wiha gotiye, "Ev ne welidandina me ya yekem e, lê wekî ekîbek, me welidandineke bi serkeftî pêk anî. Hemî hevkarên me di vî warî da hatine perwerdekirin. Bi saya perwerdehiya ku me wergirt, me ev karê dijwar bi serkeftî ji kêliyekê derbas kir. Ev ji bo me ezmûnek bi kelecan bû."