Li Şanliurfayê germahiya hewayê û hişkesaliyê tesîreke neyînî li hilberîna firingiyên teze û hişkkirî kir.

Ahmet Eyyupogluyê Serokê Odeya Ziraeta Şanliurfayê ji peyamnêrê AAyê ra diyar kir ku par li navçeyên Siwêreg û Hîlwanê hilberîneran di qedera 200 hezar donim zeviyî da firingî ajotin lêbelê ji ber germahî û hişkesaliyê ber û berhema ku hêvî dikirin nesitandin û lewma îsal 100 hezar donim zevî ajotin.

Eyyupoglu bal kişand ku hişkesaliyê kir ku di firingiyên teze û hişkkirî da rekolte kêm bibe û li gorî salên berê ber û berhemdarî jî derdora ji sedî 20î dakeve.

Eyyupoglu bal kişand ku firingiyên li herêmê hêşîn dibin bi qalîte ne û wiha dewam kir:

“Firingiyên hişkkirî Ewropa di serî da ji bo welatên cuda yên dinyayê tên şandin. Germahî her çiqas tehma firingiyan xweştir bike jî lê dixe, berhemdariyê dadixîne. Di rewşa asayî da ji serê donimê 12-13 ton firingî tê wergirtin lê îsal di navbera 8-9 tonan da ma.”

Fethi Ekinciyê cotkar jî diyar kir ku ew li pêşa Qerejdaxê hilberînê dikin û wiha got, “Avûhewaya herêmê li gorî Îzmirê hêniktir e û rêjeya têhnê kêmtir e, ev jî firingiyan bi qalîtetir dike.”