Li Herrana navçeya Şanliurfayê termê Halîl Gunduzê ajokarê otomobîla ku ket qenala avdaniyê piştî 18 rojan hat dîtin.

Di daxuyaniya Walîtiyê da hat diyarkirin ku xebatên lêgerîna Halîl Gunduzê ajokarê otomobîla ku di 29ê kanûna paşîn li Taxa Bugdaytepeya li ser navçeya Heranê ket qenala avdaniyê û winda bû bo kordînasyona Walîtiyê berfirehî û bênavber hatin domandin.

Di daxuyaniyê da hat diyarkirin ku ajokarê wek winda lê digeriyan li Sûriyeyê hat dîtin û ev hatin gotin:

"Welatiyê me yê winda di 15ê rêbendana 2026an da di saet 18.00an da di nav sînorên li Sûriyeyê li Til Ebyadê ya li Herêma Hareketa Kaniya Aştiyê biqasî 24 kîlomêtro dûrî sînorên me hat dîtin. Miameleyên hewce hatin kirin û welatiyê me anîn Nexweşxaneya Dewletê ya Akçakaleyê û piştî ku miameleyên der barê pêvajoya edlî da hatin temamkirin dê teslîmê malbata wî bikin. Xwedê rehma xwe li welatiyê me yê merhûm bike serê malbat û xizmên wî sax be."

Li navçeya Heranê di 29ê kanûna paşîn da otomobîla ku 5 kes tê da bûn ketibû qenala avdaniyê û kesek bi derfetên xwe ji avê derketibê, termê 3 kesan hatibû dîtin û kesek jî winda bibû.