Li Suşehriya navçeya Sêwasê, mînîbusa karkerên findiqan di kendal da çû xwarê û li gorî encamên destpêkê 3 kes mirin û 4 jê giran 18 kes birîndar bûn.

Li gorî agahiyê, mînîbusa plaqe û nasnameya ajokarê wê hê nehatine tesbîtkirin ya ku ji Şanliurfayê karkerên çandiniyê ji bo berhevkirina findiqan dibirin Orduyê, li tanga Şarkoyê ya Derwazeya Geminbeliyê serî ji ajokar sitand û totî kendal bû.

Li ser îxbarê, ekîbên tenduristî, îtfaiye, cendirme û AFADê bo cihê qezayê hatin verêkirin.

Di qezayê da li gorî encamên destpêkê 3 kes mirin û 4 jê giran 18 kes birîndar bûn.

Birîndar bo nexweşxaneyên dewletê yên navçeyên Suşehrî û Zarayê hatin veguhestin.

Ji aliyekî din va di daxuyaniya Walîtiya Sêwasê da jî wiha hat gotin, "Ji bo welatiyên me yên di qezayê da mirin em ji Xwedê rehmetê dixwazin û her wiha em sersaxiyê didin eqrebayên wan. Ji welatiyên me yên birîndar ra jî em şifayê dixwazin û hêviya saxî û silametiya wan dikin."