Li Selîma navçeya Qersê jinika miteşebis bi piştgiriya dewletê tewle da çêkirin û çêwlika di xeyalê xwe da ava kir.

Dîlan Cansiza 28 salî ku dayika zarokekî ye û li Taxa Cumhuriyetê dijî, ji bo ku ji "Bernameya Piştgirîdayînê ya Veberhênanên Pêşketina Gundewar" a Wezareta Çandinî û Daristanê piştgiriya hîbeyê bistîne, serlêdan kir.

Cansizê projeya "Di qada heywandariyê da destê jinê-berhemdariya jinê" amade kir û bi vê projeyê serlêdana xwe kir û projeya wê hat qebûlkirin. Cansizê ji "Bernameya Piştgirîdayînê ya Veberhênanên Pêşketina Gundewar" a Wezareta Çandinî û Daristanê piştgirî stand û bi hîbeya ji sedî 50yî va tewle da çêkirin û piştgiriya ekîpmanan stand.

Cansizê bi piştgiriyê va tewle da çêkirin, ekîpmanên modern temîn kir û dest bi kar û barên heywandariyê kir û xeyala xwe pêk anî.

Midûrê Bajêr ê Çandinî û Daristanê Enver Aydin jî dezgeha Cansizê ziyaret kir û jê ra serkeftin xwest.

Dîlan Cansiza ku dezgeha malbatî ava kir, ji nûçegihanê AAyê ra got ku wê dezgeha malbatî ava kir û xeyalê xwe pêk anî.

Cansizê destnîşan kir, armanca wê ew e ku dezgeha xwe mezin bike û piştgiriyê bide hilberînê û wiha dewam kir, "Ez pir kêfxweş im ku min dezgeha malbatî ava kir, di rojên pêş da armanca me ew e ku em hem tewleya xwe hem jî dezgeha xwe mezin bikin. Kesên ku dikarin ji hed bên der, ez vê projeyê pêşniyazî wan dikim. Em heywanên xwe xwedî dikin û li hev zêde dikin. Ez bi mêrê xwe û zarokên xwe va bûm patronê karê xwe, înşeallah em ê dezgeha xwe mezin bikin."

Midûrê Bajêr ê Çandinî û Daristanê Enver Aydin jî diyar kir ku wan di 2025an da piştgirî da 40 dezgehên malbatî.