Li Qersê piştî ketina berfê, zarok bi şiqitîna bi xizekan keysa xwe li tetîla nîvê salê tînin.

Li bajêr berfa ku çend roj e dibare, Keleha Qersê û dewrûbera wê venixumand.

Zarokên ku keysa xwe li tetîla nîvê salê anîn, hevrazên li pêşa kelehê ji xwe ra kirin pîsta xizekê.

Zarokên ku bi xizek û poşetan xwe şiqitandin, kêfxweş bûn.

Fatma Taşdemira ji Îzmirê hatiye, wiha axivî, "Em ji bo tetîleke xweş hatin, me Qers gelekî eciband. Ez jî adeta vegeriyam zaroktiya xwe. Li vir em bi xizekê şiqitîn, me gelekî kêf kir."

Gurur Çinar Eren jî diyar kir ku stûriya berfa li Qersê ji bo kêfê pir guncav e û wiha got, "Di vê tetîlê da şiqitîna serê sibeheke wiha pir xweş e. Qers bajarekî pir xweş e, îsal ev cara yekem e ev qas zehf berf dibare. Ji bo şiqitînê pir baş e, herkes xwe dişiqitîne."