Li Sariqamîşa navçeya Qersê siruşt bi kulîlkên rengorengo yên ku piştî baranan bişkivîn vejiya.

Li navçeyê darên encas û sêvan bişkivîn, li ser çiqliyên daran sihorîk hatin dîtin.

Newala Kewan a li ser bilindahiyeke bi qasî 2 hezar û 500 raqimî ku bi darçaman dorpêçkirî ye, bi sosinên zer û sor û rengorengo xemilî.

Şelaleya Kewan bi ava baranê coş bû, li ser golên biçûk, teyrikên şemeldûkên sorik hatin dîtin.

Wênegirên siruştê dîmenên siruştê, yên perperîk û mozên li ser kulîkan girtin.

Gursoy Solmazê wênegirê siruştê ji nûçegihanê AAyê ra anî ziman ku piştî baranan siruşt bi xwe va hat, rengîn bû û got, "Li Sariqamîşê dîmenên bêhempa, bi rengên bedew derdikevin berçav. Li siruştê armoniyeke dilgîr çêbûye. Dil dixwest wênegir û siruşthez bibin şahidê vê yekê."