Li Qersê berî demsala zivistanê firotina penêrê gravyerê ku niha amadeye, dest pê kir.

Penêrê gravyerê yê ku ji şîrê çêlekên li zozanan diçêrin tê çêkirin piştî pêvajoyeke zor û zehmet bo xwarinê tê amadekirin.

Şîrê ji çêlekan tê dotin di sîtilên sifir da qasî 4 saetan tê kelenadin.

Penêrê ku bi pergala mengeneyê qasî 24 saetan di presê da dimîne nêzî 10 rojan di hewza avê da dimîne û paşê bi qasî mehekê jî di embarên germ da ji bo hev baş bigire tê sekinandin. Penêrê gravyerê ji wê derê jî radikin embarên sar û piştî demeke dirêj ji bo xwarinê êdî amade dibe.

Penêrê gravyerê yê ewil ê heyamê li dikan û dezgehên navenda bajêr û navçeyan tê firotin.

Melîh Turutê li navçeya Sariqamişê ku penêr difiroşe daxuyanî da nûçegihanê AAyê û got ku gravyera Qersê marqeyeke dinyayê ye û wiha domand: "Miletê me eleqeyeke mezin nîşan dide. Her ku diçe eleqeya li ser vî penêrê zêdetir dibe. Em siparişan ji ser têlefon û înternetê hildidin û amade dikin û dişînin."