Li Pendîkê di malekê da şewat derket û di encamê da 2 zarok mirin, 2 zarok jî xedar birîndar bûn.

Li Taxa Fevzi Çakmak li Kuçeya Ummanê di daîreya li zemîna avahiyeke 2 qatî da ji ber sedemeke hê nehatiye tesbîtkirin, şewat derket.

Bi îxbara kesên li derdorê, ekîbên îtfaiye, polês û tenduristiyê hatin sewqkirin.

4 zarokên ku di şewatê da ji hêla welatiyan ji malê hatin derxistin, bi ambulansan rakirin nexweşxaneyê.

Bi midaxeleya ekîban şewat hat temirandin.

Diyar bû ku ji zarokên rakirin nexweşxaneyê, 2 jê mirin û 2 jê jî rewşa wan xedar e.

Ji aliyekî din va hat diyarkirin, dayika zarokan di dema şewatê da li mal nebû.