Li Mûşê bi piştgiriya dewletê xwedîkirina pêz û dewaran zêde dibe.

Bernameyên piştgiriya krediyê, xwarinê û alîkariyê yên ku ji hêla Wezareta Çandinî û Daristanan va ji bo zêdekirina hilberînê li deverên gundewarî, xurtkirina karsaziyên malbatî û pêşxistina heywandariyê hatine destpêkirin, berdewam dikin.

Bi saya piştgiriya ku li bajêr hatiye dayîn, li gorî sala 2024an hejmara dewaran ji sedî 5, pez û bizinan ji sedî 22 û gamêşan jî ji sedî 8 zêde bûye.

Rêveberê Çandinî û Daristanan yê Mûşê Necattîn Gonç ji nûçegihanê AAyê ra got ku li bajêr xwedîkirina heywanan, çi pez û çi dewar, bi piştgiriya dewletê pêş ketiye.

Gonç diyar kir ku Mûş yek ji navendên girîng yên xwedîkirina heywanan e û wiha got, "Li bajarê me, bi qasî 254 hezar dewar, 7 hezar û 700 gamêş û milyonek û 410 hezar pez hene. Bi saya piştgiriya ku ji hêla Wezareta Çandinî û Daristanan va ji hilberîneran ra tê dayîn, hejmra heywanan zêde bûye. Ji hêla hejmarê va bajarê me li welêt di warê dewaran da di rêza 15emîn û di warê pêz da jî di rêza 12emîn da ye."