Li Mûşê ji ber berf û bagerê qasî 100 kes di rê da asê man, lê piştî xebateke 4 saetan ew hatin xelaskirin.

Li ser rêya Haskoy-Mutkiyê di kîlomêtroya 10emîn da ji ber rewşa hewayê ya nebaş 30 wesayît asê man.

Piştî ku caw hat dayîn ekîbên Şeftiya Şaxa 113emîn a Rêbejayê bi 3 makîneyên kar va hatin herêmê û piştî xebateke 4 saetan rêwî xelas kirin.

Welatî Şerîf Seçîlîr ji rojnamevanan ra daxuyand ji bo ku ew jina xwe bibe nexweşxaneyê çûne, lê di rê da asê mane.

Şerîf spasiya ekîban kir û wiha axivî: "Rêya me her zivistan tê girtin. Ekîb gelekî hewl didin."

Samet Unal jî wiha got "Ji ber berf û bagerê ev saetek e em li ser rê ne. Bila sax bin ekîbên rêbejayê dixebitin. Li vir di 30 wesayîtan da 100 kes hene."

Operatorê makîneya kar Îdrîs Karakan jî got ev rê her tim ji ber bagerê tê girtin û wiha axivî: "Em di nav van şertên zehmet da hewl didin alîkariya welatiyên xwe bikin. Em duh şev jî li vir bûn. Dîsa 4-5 wesayît asê mabûn. Bager dewam dike. Ji 20 kîlomêtroya rê jê 7-8 kîlomêtro tê girtin."