Li Meletiyê 2 otomobîl li hev qelibîn, di qezayê da 2 kes mirin û 2 kes jî birîndar bûn.

Otomobîla bi plaqeya 23 LE 558 ku Bariş Çiftçî diajot û otomobîla bi plaqeya 34 CIC 250 ku A.B. diajot li rêveqetana taxa Yenîkoyê ya li ser rêbeja Meletî-Elezîzê li hev qelibîn.

Piştî ku kesên derdorê agahî dan Navenda Bangê ya Acil a 112ê, ekîbên tendirustî, îtfaiye, polîs û cendirmeyan hatin cihê bûyerê.

Di qezayê da Bariş Çiftçî û Erhan Çiftçî canê xwe ji dest dan. D.Ç. û A.B. yên birîndar bi ambûlansan rakirin Nexweşxaneya Perwerde û Lêkolînê ya Meletiyê.