Li Meletiyê ekîbên rêbejan piştî xebateke 5 saetan ya rêvekirinê, gihîştin dayika ku ji ber berf û bahozê li mala xwe ya gund welidî û pitika wê ya nûbûyî.

Li taxa Kurucaova ya navçeya Doganşehirê, rêya herêma gundê Yalankozê di 14ê Çile da ji ber berfa zêde û bagerê ji trafîkê ra hatibû girtin.

Bi Navenda Banga Acil a 112ê va hat ragihandin, ku li herêma Yalonkozê dayikek li ber welidînê ye.

Ji bo gihîştina dayikê, ekîbek ji Malatya UMKE, Servîsa Lezgîn a 112ê û ekîbeke ambulansa pajero ji navçeya Çelikhan a Adiyemanê hatin şandin.

Piştî nêzîkî 5 saetan xebata ekîbên rêyan, gihîştin dayika ku li herêma Yalankozê zarok anîbû dinyayê. Piştî midaxeleya pêşîn, dayik û pitik ji bo Nexweşxaneya Dewletê ya Doganşehirê hatin veguhastin.

Hat hînbûn ku tenduristiya dayik û pitikê baş e.