Li Mûşê karkerên ku komira manxalê çêdikin, di vê kelekela germê da li ber agir dixebitin.

12 malbatên ku ji Mêrdînê hatine Mûşê ji bo ku ji darên berûyan komirê hilberînin hewl didin.

Malbat di konên ku ji hêla Midûriyeta Dezgeha Daristanan va li deverên diyarkirî hatine danîn da dijîn.

Karker li herêma daristana ku germahî digihêje 40 pileyê darên berûyê yên ku destûr tê dayîn ku ew bibirin, dibirin.

Ew paşê wan di sobeyan da kom dikin, xweliyê li ser radixin û dû ra jî dişewitînin.

Karker nêzîkî 20 rojan li ber agir nobedariyê digirin, jin û zarokên karkeran jî piştgiriyê didin wan.

Karkerên ku dest û rûyên wan bi tenî û reşahiya komirê va reş bûye li hemberî germê û agir komira manxalê çêdikin.

Mehmet Şerîf Sazanê ku komirê çêdike got ew komira ku bi dest dixin tijî torbeyan dikin û dişînin bajarên rojavayê.

Sazan wiha axivî: "Me dest pê kir em berdêla keda xwe ya qasî 4 mehan bi dest bixin. Karekî bi zehmet e. Înşallah em ê berdêla keda xwe hildin. Me li vir xwêdana eniya xwe rêt. Feydeya me wê bigihêje aboriyê. Şikir ji Xwedê ra hîlberîn baş e."

Ozdemir Sazan jî got ew kîloya komirê ji 26 lireyan difroşin û wiha dewam kir: "Ev 5 meh e em bi zarokên xwe ra li vir dixebitin. Em benda kiryaran in. Em bi şev û roj xebitîn."