Li Mêrdînê gurçika mêrikekî ya ku ji ber nexweşiya gurçikê ya polîkîstîk gihîşt 36 santîmêtro û 6 kîloyan, bi emeliyatê hat derxistin.

Cemal Aşarê (50) gurçikeke wî demek berê hat derxistin ji ber êşa gurçika xwe ya din a ku mezin bû û nedihîşt ku ew bi rehetî bêhna xwe bistîne, serî li Nexweşxaneya Lêkolîn û Perwerdeyê ya Mêrdînê da.

Aşar di hefteyê da 3 rojan diket makîneya diyalîzê, lê dîsa jî gurçika wî mezin bû û gihîşt 36 santîmêtro û 6 kîloyan.

Doxtorê Urolojiyê Doç. Dr. Suleyman Sagir û ekîba wî Aşar emeliyat kir û gurçika wî derxist.

Doç. Dr. Sagir ji rojnamevanan ra daxuyand Aşar vedireşiya, nikaribû baş bimeşe û bêhna xwe bi rehetî hilde û ji ber vê hat nexweşxaneyê.

Sagir wiha axivî: "Gurçika însanekî normal qasî 12 santêm dirêj û 120-150 graman giran e, lê ya nexweşê me gihîştibû 36 santêm û 6 kîloyan. Me vê gurçika mezin derxist. Cara ewil e ku me yeke evqas mezin derxist."

Aşar jî got dema ew 35 salî bûye nexweşiya wî hatiye tesbîtkirin.

Aşar anî ziman ji ber vê nexweşiyê 3 birayên wî mirine û wiha axivî: "Dema min gurçikeke evqas mezin dît ez metel mam. Şikir ji Xwedê ra ez niha wek çivîkekî sivik im."