Li hin navçeyên Elezîzê ji ber berfê perwerde ji bo rojekê hat rawestandin.

Walîtiya Elezîzê daxuyand li gorî daneyên ku ji Midûriyeta Herêmê ya Meteorolojiyê hatin wergirtin, li navçeyan berfa zêde û qeşa tê payîn û ev jî dibe ku di hatin çûyînê da bibe sedema astengiyê.

Hat gotin ji ber vê, bi walîtîyên eleqedar ra li ser mijarê nirxandin hatin kirin.

Daxuyaniyê wiha dewam kir: "Ji bo ku welatî û xwendekarên me mexdûr nebin, 12ê Çileya Paşîn roja duşemê li navçeyên Maden, Arıcak, Alacakaya, Palu û Kovancilarê perwerde ji bo rojekê hat rawestandin. Her wiha li navçeyên Karakoçan, Baskîl, Keban û Sîvrîceyê jî dibistanên ku xwendekarên wan ji cihên dûr bi wesayîtan diçin û tên perwerde ji bo rojekê hat rawestandin. Li navçeya me ya Agînê perwerde û hîndekarî wê dewam bike."