Li Hekariyê li herêmên raqimbilind û flora dewlemend, vekirina kewarên hingiv berdewam e.

Li bajarê ku bi xêra dewlemendiya giha û nebatan mozvanî di asteke berbelav da ye, mozvan êdî devê kewaran vedikin û hingivê salê derdixin.

Cotkarên ku li gundê Bayê mozvaniyê dikin, bi maskeyên xwe yên taybet û dûyê nepaxê va ji kewarê petekan derdixin.

Ayhan Beyterê ku li gund 27 sal e mozvaniyê dike, diyar kir ku ew ji serê biharê û vir va miqateyî kewaran in û niha jî ew hingivê salê derdixin.

Beyter bal kişand ku Hekarî bi rastî jî bajarê mozvaniyê ye û lewma divê projeyên ji bo piştgiriya mozvanan zêdetir bibin.