HAKKARÎ (AA) - Li Yuksekovaya navçeya Hekariyê kesên ku heywanan xwedî dikin piştî ku hewa germ bû heywanên xwe li mêrgan diçêrînin.

Li navçeya ku zivistan lê dijwar derbas dibe, berf heliya û hewa germ bû.

Heywandarên ku zivistanê heywanên xwe di tewleyan da bi êm û kayê têr dikirin bi hatina biharê ra kêfxweş bûn.

Heywandar heywanên xwe li quntara çiyayên bilind diçêrînin û mesrefa ka û êm xelas dibin.

Salih Kartal ji nûçegihanê AAyê ra daxuyand ku zivistan derbas bû û hewa êdî germ e.

Kartal kêfxweşiya xwe anî ziman û wiha axivî: "Li vir bihar gelekî xweş e. Me heywanên xwe derxist derva. Em kêfxweş in. Li gundê me li aliyekî berf heye, li aliyekî jî hêşînahî. Em zivistanê gelekî zehmetiyê dikşînin. Qasî 5-6 mehan em li hemberî berfê têdikoşin. Me karên xwe dernexist. Çend roj şûn da îja em ê wan derxin. Kar û barê me ev e."

Hurşît Îşleyen jî got wan heywanên xwe yên ku 5 meh bûn di tewleyê da xwedî dikir derxist mêrgan û wiha axivî: "Zivistanê heywan di tewleyê da dimînin û mesrefa wan zêde ye. Li herêma me bi hezaran heywan derket mêrgê. Em kêfxweş in ku wan li mêrgê diçêrînin."