Li Erziromê bi saya seferên safariyê yên bi hespan tên kirin kesên ji tempoya kar a li bajêr aciz dibin, li siruştê bêhna xwe berdidin.

Li kulubên siwariyê yên li bajêr, bi pereyekî diyarkirî li siruştê seferên safariyê yên bi hespan dikin. Her wiha hin kesên ku wekî hobî ji siwariyê hez dikin, hespên xwe dikirin û li van kulubên siwariyê bi cih dikin, ev kulub jî bi heqekî diyarkirî hespan xwedî dikin û xwediyên hespan wextên xwe yên vala tên li vir bi hespê xwe ra derbas dikin.

Polês, akademîsyen hema bêje ji her pîşeyî xebatkar tên kuluban, wextên xwe li nav siruştê bi hespan ra derbas dikin.

Serkomîser Îsmail Taşdemirê digel xanima xwe ku ew jî ji heman pîşeyê ye beşdarî safariyê bû ji nûçegihanê AAyê ra got ku ew wextê tê vir li hespê siwar dibe, li siruştê wextê xwe derbas dike ji stresa kar û bajêr dûr dimîne û kêfxweş dibe.

Taşdemir wiha axivî: "Erzirom ji bo siwariyê cihekî xweş e, siruşta wê wekî cinetê ye. Em li vir li hespan siwar dibin di nav vê siruşta xweşik da digerin, kêf dikin."

Doç. Dr. Pelin Mete ku li Zanîngeha Ataturkê wezîfedar e got ku ew 5 sal in li hespê siwar dibe.