Li Erziromê, ekîbên off-roadê ji çiyayên bi berf derbas bûn û diyarî ji bo xwendekaran birin.

Di çarçoveya projeya berpirsiyariya civakî ya "Bila Destên Biçûk Necemidin" da ku bi hevkariya Walîtî, Klûba Werzişên Siruştî ya Macera Off-Roadê û Zanîngeha Ataturkê tê meşandin, ji bo xwendekarên li deverên gundan xebat hat kirin.

Serdozgerê Komarê Adem Aydemîr û ekîbên off-roadê ji rêyên çiyayî yên bi berfê venixumî derbas bûn û gihîştin taxa Yenîkoyê ya navçeya Pasinlerê.

Aydemîr û endamên klûbê kum, qocix û pêlav diyarî xwendekaran kirin.

Serdozgerê Komarî Aydemîr spasiya kesên ku beşdarî bernameyê bûne kir.

Aydemîr destnîşan kir ku wan rojeke hestiyar derbas kiriye û got:

"Me bi dadwer, dozger, bijîşk, esker, polês, endazyar, qaymeqam û Walî yên siberojê ra sohbet kir. Rojeke xweş bû û bişirînên li ser rûyên wan em kêfxweş kirin. Em ji xerabî û kaosa cîhanê reviyan û em hatin pêşberî bêgunehiya zarokan. Ez pir kêfxweş bûm. Me zarok vexwendin dadgeha xwe; em ê mazûvaniya wan bikin da ku hişyardariyê zêde bikin."