Selami Küçükoğlu,Hüseyin Demirci
26 Cotmeh 2021•Rojanekirin: 27 Cotmeh 2021
Li Herêma Rojhilatê Anadoluyê bi şev germahiya hewayê ya herî sar bi 6 pileyên binê sifirê va li Erzirom û Qersê hat pîvandin.
Di daxuyaniya Midûriyeta Herêma 12an a Meteorolojiyê da hat diyarkirin ku li herêmê hewayê ewrsayî be.
Germahiya hewayê ew ê ji ya demsalê kêmtir be û car caran bayê rabe.
Tê texmînkirin ku di nav rojê da germahiya hewayê Tunceliyê 19, li Erzincanê 15, li Îdirê 13, li Agiriyê 12, li Erziromê 10, li Qers û Erdexanê jî 8 pile be.
Bi şev germahiya hewayê li li Qers û Erziromê di binê sifirê da 6, li Agiriyê di binê sifirê da 5, li Erdexanê di binê sifirê da 3, li Erzincanê di binê sifirê da 1 di binê sifirê d, li Tunceliyê 0 û li Îdirê jî 5 pile hat pîvandin.
- Herêmên bilind ên Sariqamîşê çîl û sipî bûn
Li Sariqamîşa navçeya Qersê jî ji ber berfa ku barî herêmên bilind çîl û sipî bûn.
Li çiyayên Allahuekber û Soxanliyê berf barî, çiya bi xemla sipî xemilîn û li Navenda Xweşiqitandinê ya Cibiltepeyê jî berfa ewil a sezonê barî.
Li navçeyê qiravî di ser nebat û wesayîtan da ket û hewa sar bû.
Fevzî Cîhangîrê welatî diyar kir ku hewa êdî sar bû û wiha axivî: "Ji duh pê va li çil û çiyan berf barî. Bi şev jî germahiya hewayê daket 6 pileyên binê sifirê. Hewa gelekî sar bû.
