Li Erzirom, Wan, Agirî û Mûşê ji ber rewşa hewayê dibistan rojekê hatin tetîlkirin.

Walîtiya Agiriyê daxuyand, ji ber ku barîna berfê tê payîn, li tevahiya bajêr dibistanên gundan û dibistanên ku xwendekarên wan bi seyareyan diçinê, hatin tetîlkirin.

- Erzirom

Walîtiya Erziromê ragihand, ji ber rîska berf, cemed û qermê hemû dibistanên fermî û taybet ên li navçeyên Yakutiye, Palandoken û Azîziyeyê dibistan rojekê hatin tetîlkirin.

- Wan

Li navçeyên Çaldêran, Muradiye û Serayê yên Wanê ji ber ketina berfê dibistan hatin tetîlkirin, qaymeqamtiyan daxuyand ku ji bo personelên astengdar û ducanî û dayikên ku zarokên wan hê nebûne 7 salî îzna îdarî wê were dayîn.

- Mûş

Li navçeyên Varto, Kop (Bulanik) û Milazgira Mûşê jî ji ber rîska berf û cemedê dibistanên gundan û dibistanên ku xwendekarên wan bi seyareyan diçinê, rojekê hatin tetîlkirin.