Li Erzirom, Qers û Erdexanê hewaya sar bandoreke neyînî li jiyanê dike.

Li Erziroma ku termomêtroyan germahiya hewayê di binê sifirê da 8 pile nîşan da, li ser banê kargeh û xaniyan şembelûk çêbûn.

Li bajarê ku hin kanî cemidîn, rê û peyarêyan jî qeşa girt.

- Qers

Li Qersê jî sir û serma bandoreke neyînî li jiyanê dike.

Li bajarê ku germahiya hewayê di binê sifirê da heta 17 pileyan kêm bû, ji ber sermayê paceyên wesayîtan qeşa girt û li ser banî xaniyan jî şembelûk çêbûn.

Li navçeya Sariqamîşê ji ber sir sû sermayê li ser banê xaniyan şembelûkên dirêj çêbûn.

Li navçeya ku paceyên xanî û wesayîtan qeşa girtin, welatiyan wesayîtên xwe bi brandayan pêçan da ku ji sermayê biparêzin.

Ekîbên Şaredariya Sariqamîşê berfa li ser kuçe û kolanan paqij kir.

Li navçeya Akyakayê jî hewaya sar bandora xwe didomîne.

- Erdexan

Li Erdexanê jî hewaya sar bandora xwe didomîne.

Li bajarê ku germahiya hewayê ya bi şev di binê sifirê da 18 pile hat pîvan qeşa û qiravî çêbû.

Ji ber sermayê rûyê çeman cemidî, dar û beran jî qiravî girt.

Li herêma Çemê Kurayê cî bi cî mij çêbû.

Li navçeya Goleyê jî germahiya hewayê ya bi şev di binê sifirê da 25 pile hat pîvan.