Li Erzirom, Qers, Agirî û Erdexanê bandora sir û sermayê dewam dike.

Li Erziroma ku termomêtroyan germahiya hewayê ya bi şev di binê sifirê da 11,8 pile nîşan da, paceyên wesayîtan û camên rawestgehên otobêsan qeşa girt.

Li banê xaniyan şembelûkên dirêj çêbûn, kaniyên hin mizgeftan jî cemidîn.

Ekîbên şaredariyê xebatên paqijkirina berf û qeşayê didomînin.

- Qers, Agirî û Erdexan

Li Qersê germahiya hewayê di binê sifirê da 16 pile hat pîvan, dar û beran qiravî girt.

Li Taxa Dereîçîyê darên ku qiravî girtin dîmenên xweş derxistin holê.

Li navçeya Sariqamîşê jî ji ber sir û sermayê li ser banê xaniyan şembelûk çêbûn, paceyan qeşa girt, dar bi qiraviyê nixûmîn.

Çemê Acisuyê bi tevahî qeşa girt.

Welatiyan betanî û branda avêtin ser wesayîtên xwe da ku ji sermayê biparêzin.

Esnafan berf û qeşaya li ber kargehên xwe paqij kir.

Li Agiriyê ji ber sermayê li ser banê xaniyan şembelûk çêbûn, çem cemidîn.

Li Erdexanê jî ji ber sermayê qeşa çêbû, li deverên bilind berf barî.