Li Erdexanê daweşandina sêvên ku gihîştin û nava wan jî wekî qalikê wan sor bû, dest pê kir.

Sêva ku li navçeya Posofê çêdibe, 6 sal berê bi navê "Sêva Badele ya Posofê" hat tescîlkirin û îşareta erdnîgariyê hilda. Li herêmê ji vî cureyê sêvê darên kêm kesan hene.

Ev sêv dema ku digihîje nava wê jî wekî qalikê wê sor dibe. Kesên baxçeyê wan û ji vê sêvê hene, dest bi daweşandinê kir. Cotkar têra malê hildidin û yên mayî jî li navçeyê difiroşin.

Sêv piştî ku tê daweşandin, di depo an jî cihên hênik tên mihafezekirin. Di nava 2 hefteyan da nava sêvê jî wekî qalikê wê sor dibe.

Xêr û bereketa vê sêvê li gorî herêmê diguhere.

Ji hilberîneran mamosteyê malnişîn Adnan Bozyîgît ji rojnamegeran ra got ku xêr û bereketa darên baxçeyê wî baş e, lê li hin deran xêr û bereket tuneye.

Bozyîgît diyar kir ku ew dixwazin jimara daran zêde bikin û wiha dewam kir, "Îsal xêr û bereketa baxçeyê min gelekî baş e, lê ez nizanim ku sala bê çawa be."