Li Elezîz, Sêrt, Batman, Şirnex û Bîngolê rêya 746 cih û waran ji ber berf û bagerê hat girtin.

Li gorî agahiya ji Midûriyeta Xizmetên Rê û Veguhestinê ya Rêveberiya Taybet a Parêzgeha Elezîzê hat wergirtin, ji ber barîna berfê li navendê rêya 3 gundan, li navçeya Aricak û Baskîlê li her yekî rêya gundekî, li Madenê rêya 6 gundan, li Qereqoçanê rêya 40 gundan, li Kovancilarê rêya 22 gundan, li Paloyê rêya 10 gundan û li Sîvrîceyê jî rêya 5 gundan hat girtin.

Ekîb li bajêr xebatên xwe yên ji bo vekirina rêya 88 gundan didomînin.

- Sêrt

Li Sêrtê jî ji ber ketina berfê rêya 221 cih û waran hat girtin.

Li gorî agahiya ji Rêveberiya Taybet a Parêzgehê hat wergirtin, li navendê 35, li navçeya Erûhê 59, li Şêrwanê 58, li Berwariyê 40, li Qurtelanê 13, li Bayqanê 10 û li Tîlloyê jî rêya 6 cih û waran girtî ye.

Xebatên ekîban ên ji bo vekirina rêyan berdewam in.

- Batman

Li gorî agahiya ji Rêveberiya Taybet a Parêzgehê hat wergirtin, li navendê gudek, ji navçeyan jî li Beşîriyê 62, li Kercewsê 39, li Heskîfê 6, li Kozlukê 140, li Sasonê jî rêya 91 cih û waran girtî ye.

Ekîb xebatên xwe didomînin ku rêya girtî ya 339 cih û waran veke.

- Şirnex

Li Şirnexê berfa ku duh dest pê kir, tesîra xwe domand û li navenda bajêr stûriya berfê gihîşt 25 santîmetreyî, li cihên bilind jî gihîşt 35 santîmetreyî.

Ji ber berf û bagerê li navendê rêya 5 gundan, li Beyşebabê 11 û li Uludereyê jî rêya 7 gundan hat girtin.

Ekîbên Rêveberiya Taybet a Parêzgehê û yên Rêbejayê dixebitin ku 23 rêyên girtî vekin.

- Bîngol

Li Bîngolê jî ji ber barîna berfê rêya 75 cih û waran hat girtin.

Li gorî agahiya ji Rêveberiya Taybet a Parêzgehê hat wergirtin, li navendê rêya 40, ji navçeyan jî li Gencê 25, li Solxanê 6, li Yayladereyê 2 û li Yedîsuyê jî rêya 2 cih û waran hat girtin.

Ji bo vekirina rêyan, 110 personel tevî 53 wesayîtan va xebatên xwe didomînin.

Ji aliyekî din va di dema xebata ekîbên Rêbejayê ya li ser rêbejaya Bîngol-Erziromê da peraneke berazan hat dîtin.

Rev û beza peranê ya li ser berfê bi têlefona mobîl hat kişandin.