Li Diyarbekirê şirketeke ku şêraniyan çêdike qedayîfa ku rêjeya şekirê wê ji sedî 80 hatiye kêmkirin çêkir.

Xwediyê şirketê Murat Altunhan li kargeha xwe ya 3 hezar û 500 mêtroqereyî ya li Herêma Pîşesaziya Organîze ya Diyarbekirê qedayifa bifistiq û badayî ya bigûz ya ku ji aliyê Saziya Patent û Markayê ya Tirkiyeyê va hatiye tescîlkirin çêdike û difroşe.

Ji bilî van, ew qedayifa bişîr, bito, bipenêr, sade û ya dirêj jî çêdike.

Li ser daxwaza mişteriyan ên ku şekir zêde hez nakin Altunhan qedayifa ku şekirê wê ji sedî 80 kêmtir û di hûndirê wê da ji sedî sed fistiq heye amade kir.

Ji ber ku mişteriyan gelekî jê hez kir, Altunhan vê qedayîfa ku rojê 2 sinî dida çêkirin derxist 20 siniyan.

Altunhan ji nûçegihanê AAyê ra daxuyand malbata wî ji sala 1907an vir va şêraniyê çêdike, ew ji nifşa çaran e û 45 sal e vî karî dike û guh didin daxwazên mişteriyên xwe.

Altunhan anî ziman ku hin mişteriyan ji wan xwestiye ku şekirê qedayîfê bila kêm be û ew jî bi endezyarê xurekê şêwirîne û paşê wan qedayîfa kêmşekir çêkiriye.

Ji mişteriyan Mehmet Burçluhanê 80 salî jî got ew şêraniyê gelekî hez dike, lê dema ew ciwan bû wî zêdetir dixwar û ew ê êdî bikaribe ji vê şêraniyê bixwe.