Li Diyarbekir, Bingol, Batman û Mêrdînê ji ber meha Muharemê eşûre belavî 9 hezar kesî kirin.

Li gor daxuyaniya Midûriya Herêmê ya Weqfan a Diyarbekirê li Mizgefta Mezin a li navçeya Sûrê di stantên ku piştî nimêje înê hatin danîn da eşûre belavî 3 hezar kesî kirin.

Walî Tuncay Akkoyun, Serokbajarê AK Partiyê ya Bajêr Mehmet Uncu, Midûrê Ewlehiyê yê Bajêr Cebraîl Bugday û Midûrê Bajêr ê Turîzmê Ayhan Gok beşdarî çalakiya ku li Mizgefta Şakîr Nuhoglu a Mêrdînê hat lidarxistin bûn.

Walî Akkoyun bi Midûrê Herêmê ya Weqfan Hakan Demir ra eşûre îkramî welatiyan kir.

Di çalakiyê da eşûra dan 2 hezar kesî.

Di çalakiyên ku li Mizgefta Şevket Başak a Batmanê û Mizgefta Mezin a Bingolê hatin lidarxistin da eşûra belavî 2 hezar kesî kirin.

Midûrê Herêmê ya Weqfan a Diyarbekirê Hakan Demir diyar kir ku ev çalakiyên ku li dar dixin ji bo xurtkirina yekîtî û bihevrabûna civakî girîng e.

Demir diyar kir ku dê sibê jî li navçeya Egîlê ku yek ji navendên girîng ên turîzma baweriyê ye li Tirbeya Pêxemberan çalakî li dar bixin ê di vê çalakiyê da eşûre belavî 1000 kesî bikin û bangî her kesî kir ku beşdarî çalakiyê bin.