Endamên Şaxa Elazigê ya Yekîtiya Ciwan ji bo ku balê bikişînin ser binpêkirinên mafên mirovan ên li Herêma Xweser a Uygur a Sîncana Çînê, li kuçe û kolanan wêneyên ku behsa zilmê dikin daliqandin.

Serokê Komeleyê Omer Cipli di daxuyaniya xwe da diyar kir ku li Tirkistana Rojhilat ku dagirkirî ye, zext û zilma Çînê ya li ser Uyguran roj bi roj zêdetir dibe, lêbelê dinya li hemberî vê yekê her ker dimîne û deng nake.

Cipli bal kişand ku rewşa însanên herêmê her ku diçe xirabtir dibe û wiha dewam kir:

"Ji bo ku em balê bikişînin ser binpêkirinên mafên mirovan ên li Herêma Xweser a Uygur a Sîncana Çînê, me li kuçe û kolanên bajêr wêneyên ku behsa zilmê dikin daliqandin. Îro roj li Tirkistana Rojhilat bi hezaran însan di bin zilm û zexta Çînê da dijî. Em bangî hemû dinyayê dikin ku ji vê zilmê ra bêje 'bes e'."