Suryaniyên ku li Mêrdînê dijîn, Cejna Paskalyayê li Dêra Kirklarê bi ayînê pîroz kir.

Suryanî ji bo Paskalyayê hatin dêra dîrokî û bi zarokên xwe ra find pê xistin û dia kirin.

Metropolîtê Mêrdîn-Diyarbekirê Salîba Ozmen, Serkeşîşê Dêra Kirklarê Gabrîel Akyuz ayîn bi rê va bir. Di ayînê da koroyê bi Tirkî, Erebî, Îbranîkî ê Suryanîkî îlahî gotin.

Di ayînê da ji Încîlê hin beş hatin xwendin, Ozmen û Akyuz axaftinên xwe bi Tirkî, Erebî û Suryanîkî kirin.

Ozmen ji bo berdewamiya yekîtî û bihevrabûna li Tirkiyeyê dia kir. Kesên ku beşdarî ayînê bûn, paşê li baxçeyê dêrê cejna hev pîroz kirin.

Waliyê Mêrdînê Tuncay Akkoyun û protokola wî li salona qebûlê ya dêrê cejna Suryaniyan pîroz kir.

Salîba Ozmen û Walî Akkoyun serê hêkan li hev da.