Jiyan

Li Bihuşta Teyr û Tilûran a Erez di sezona 2023yan da 101 cure teyr û tilûr hatin helqekirin

Hüseyin Yıldız  | 14.11.2023 - Rojanekırın : 24.11.2023
Li Bihuşta Teyr û Tilûran a Erez di sezona 2023yan da 101 cure teyr û tilûr hatin helqekirin

Iğdır

 Li Navenda Lêkolîn û Perwerdeyê ya Teyr û Tilûrên Erez a li Îdirê di xebatên sezona 2023yan da 101 cure teyr û tilûr hatin helqekirin.

Komeleya Kuzey Dogayê bi destûra Midûriya Giştî ya Parastina Siruştê û Parkên Neteweyî û piştgiriya zanîngehên KOÇ, UTAH, Îdir û Kars Kafkasê li Navenda Lêkolîn û Perwerdeyê ya Teyr û Tilûrên Erez 18 sal e xebatan dike.

Navenda xebatan li gundê Çiyrikliya Jorîn a li ser navçeya Tuzlucayê ye û xebatan di 2006an da li vê navendê dest pê kir. Sezona xebatê îsal bi sermayê ra hat girtin.

Li navendê heta niha li ser ji 170yî zêdetir cure teyr û tilûran xebat hatiye kirin. Di sezona 2023yanda da jî 101 cure teyr û tilûr hatin helqekirin û tên şopandin.

Xebat bi beşdariya dildarên ku ji welatên cuda tên va tên kirin û wê bihara sala 2024an da dîsa dewam bikin.

Berpirsiyarê navendê Kayahan Agirkaya ji nûçegihanê AAyê ra got ku wan sezoneke bi xêr û bereket derbas kir.

Agirkaya diyar kir, wan di sezonê da heleq kirin lingê 5 hezar û 400 teyr û tilûran û wiha dewam kir:

"Me heleq kirin lingê 101 cure teyr û tilûran. Di vê sezonê da jimara teyr û tilûran jî cureyên wan jî zêde bûn. Me vê sezonê cara ewil pîwî (Vanellus vanellus) girt ku heleq kir lingê wê. Ev ji bo me qeydeke girîng bû."

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.