Walîtiya Bidlîsê daxuyand, ji ber rewşa hewayê li tevahiya bajêr dibistan roja sêşem û çarşemê hatin tetîlkirin.

Li gor daxuyaniya Walîtiyê, li gor daneyên ku ji Midûriya Giştî ya Meteorolojiyê hatin hildan, bi sir û seqemê ra 30ê Berfanbarê roja Sêşemê cemed, 31ê Berfanbarê roja Çarşemê jî berf tê payîn.

Di daxuyaniyê da wiha hat gotin:

"Ji bo ku welatî û xwendekarên me mexdûr nebin li navend û navçeyên bajarê me, hemû dibistanên Wezareta Perwerdeya Neteweyî, kreş û navendên rehabîlîtasyonê yên Wezareta Malbat û Xizmetên Civakî 2 rojan hatin tetîlkirin. Ji bo wezîfedarên qamûyê yên astengdar û ducanî jî destûra îdarî hat dayîn."