Li Hîzana navçeya Bidlîsê, Sînem Korkmaza astengdar a 61 salî ya ku li mezreya rêya wê ji ber berfê hat girtin nexweş ket, bi xebata ekîban bi nexweşxaneyê ra hat gihandin.

Ekîbên rêveberiya taybet a navçeyê yên ku xebatên xwe yên vekirina rêyên girtî didomînin, alîkariya peywirdarên tenduristiyê jî dikin ku nexweşan bigihînin nexweşxaneyê.

Xizmên Sînem Korkmaza astengdar a 61 salî ya ku li mezreya Durakê ya gundê Xeydayê nexweş ket, ji ber ku rê girtî bû û nikaribûn biçin nexweşxaneyê, ji rayedaran alîkarî xwestin.

Li ser vê yekê, ekîbên tenduristiyê û yên têkoşîna berfê bo herêmê hatin şandin.

Ekîban bi xebateke bi qasî 2 saet û nîvan rê vekir ku peywirdarên tenduristiyê xwe bi nexweşê ra bigihînin.

Korkmazê ji malê heya ber ambulansê li ser sedyeyê, bi destê peywirdaran hat birin û ji vir jî di kontrola ekîban da bo nexweşxaneyê hat veguhestin.