Li Diyarbekir û Mêrdîna ku li Herêma Başûrê Rojhilatê Anadoluyê ji aliyê çandinî û turîzmê va bajarên girîng in, berfa ku ket şelale û sûlavên ku tesîra hişkahiyê li ser wan çêbû, cardin gef û gur kirin.

Li Diyarbekir û Mêrdînê bi helîna berfê ra ava binerd zêde bû, şelale û sûlavên ku miçiqîbûn, cardin diherikin.

Çavkaniyên ku li Çunguşa navçeya Diyarbekirê vebûn, gihîştin hev û bûn wekî şelale û ava wan gihîşt Bendava Ataturkê.

Li Kiziltepeya navçeya Mêrdînê jî "travertenên Emrûdê" ku çend sal in ji ber hişkahiyê miçiqîbûn, bi barîna berf û baranê ra ava wan cardin herikî û gur bûn.

Gelek sûlav û şelaleyên ku diherikin Çemê Karasuyê yê li navçeya Mazîdagê jî cardin gef û gur bûn.

Endamê hîndekariyê yê Zanîngeha Artukluya Mêdrînê Prof. Dr. Yusuf Dogan diyar kir ku bi berf û baranên dawî ra rezervên avê tije bûn û sewiyeya avê di navbera 3 û 5 qatan da zêde bû.

Pisporan bal kişand, ava ku zêde bû, seba hilberîna çandinî, hevsengiya ekosîstem û ewlehiya avê gelekî girîng e.