Li Adiyemanê otobêseke rêwiyan a ku di navbera bajaran da sefer dikir û otomobîl li hev qelibîn, di qezayê da 3 kes mirin.

Otobêseke rêwiyan a ku şofêrê wê S.B. û plaqeya wê 02 DG 353 ye, li nêzîkî gundê Habîplerê yê li ser rêya Kehta-Adiyemanê li otomobîla ku şofêrê wê Mahmut Încî (34) û plaqeya wê 02 ACU 651 e qelibî.

Li ser cawdayînê ekîbên tenduristiyê û cendirme çûn cihê qezayê.

Di qezayê da şofêrê otomobîlê Încî, Zahîde Esen (32) û Ramazan Încî (5) ên ku di otomobîlê da bûn, mirin.

Ji ber qezayê rê ji hatin û çûyînê ra demekê hat girtin, lê piştî ku ekîban xebatên xwe temam kirin rê dîsa hat vekirin.