Gavanên siwarî yên ku li rast û bestên li dewrûbera Çiyayê Agiriyê diçin ber dewaran, hespên serberedayî yên li çolê hîn dikin ku bi wan bir û garanên xwe kontrol bikin.

Li ser erdê Midûriyeta Giştî ya Kargehên Çandiniyê (TÎGEM) ku ji 187 hezar dekarî pêk tê, li nêzîkî Çiyayê Agiriyê ye û li hêla sînorê Ermenistan, Îran û Naxciwanê dimîne, bi hezaran serî pez û dewar diçêrin.

Ajalên ku li Kargeha TÎGEMa Kazim Karabekîr a li Îdirê tên xwedîkirin, ji sibehê heta êvarê li rast û bestên li pêşa çiyê diçêrin. Şivantî û gavantiya van bir û garanan jî ji hêla 14 peywirdarên siwarî yên kargehê tê kirin.

Hespên serberedayî yên ku li welatên cîran serberedayî dimînin û li Çiyayê Agiriyê dibin beyanî, li deverê tên girtin, kedîkirin û her wiha ji bo siwarbûna şivan û gavanan tên emilandin.

Hespên ku piştî pêvajoyeke bi zehmet tên kedîkirin û hînkirin, dibin alîkarê herî mezin ê şivan û gavanên ku li herêmê wekî "kowboy" tên binavkirin. Şivan û gavan bi xêra van hespan, nahêlin keriyên pez û garanên wan bir bibin û berê xwe bidin xeta sînor.