Kebaba caxê ya Erziromê ya tescîlkirî di gatsronomiya navneteweyî da dîsa di nav xwarinên sereke da cî digire.

Kebaba caxê ya ji goştê pez û berxên li cihên bilind diçêrin tê çêkirin, bi biharatên taybet va tê amadekirin.

Ev kebaba li ser agirê daran tê pijandin di nav lîsteya gastronomiyê ya curbicur a dinyayê da cî digire.

Di vê dawiyê da, kebaba caxê di lîsteya "TasteAtlas"ê ya ku çavkaniyeke girîng a gastronomiyê ya dinyayê ye di rêza 9emîn a "100 Xwarinên Herî Baş ên Dinyayê" da cih girt.

Mêvanên tên bajêr jî dixwazin vê kebabê bixwin û feydeyeke wê ya girîng jî digihêje turîzma bajêr.

Serokê Borseya Bazirganiyê ya Erziromê Hakan Oral ji nûçegihanê AAyê ra daxuyand ku bajêr bi 61 ber û berhemên xwe yên tescîlkirî va li Tirkiyeyê di rêya 3yemîn da cî digire.

Oral got taybetmendiya xwarin û berên herêmê ew e ku ew ji avûhewaya vir û heywanên ku li cihên bilind diçêrin tên bidestxistin û wiha axivî: "Kebaba çaxê tehmek e ku ji hêla erdnîgariyê va hatiye bidestxistin. Kargeh û aşpêjên me yên jêhatî jî ew kirine nav yek ji baştirîn xwarinên dinyayê."

Şakir Aktaşê 35 sal e hostatî û karsaziya kebaba caxê dike jî got raza tehma vê xwarinê ji ber heywanên ku li cihên bilind diçêrin tê.

Aktaş anî ziman çêkirina goşt û pijandina wê ya li ser agirê daran jî dibe sedem ku ev bibe xwarineke bitehm.