Li Bidlîsa ku zivistan lê dijwar derbas dibe werzişvanên tîma reva biliyan ji bo ku di pêşbaziyan da dereceyê bi dest bixin di sir û seqemê da antrenmanê dikin.

Kaşûnbaz piştî ku sitûrahiya berfê gihîşt asta tê xwestin li Pîsta Navenda Perwerdeya Werzişvanan a li ba Navenda Kaşûnê ya Xana El-Emanê ya dîrokî ku germahî heta 15 pileyan dikeve binê sifirê antrenmanên xwe didomînin.

Kaşûnbaz digel sir û seqemê hedef dikin ku di Pêşbaziya Reva Biliyan a ku dê di 18-22yê rêbendanê li Erziromê bê kirin û Pêşbaziya Etaba Bîatlonê ya dê di 22-26ê rêbendanê bê kirin û ew jî hewl didin bi madalyaya zêrîn vegerin.

Sedat Bîlgeyê antrenorê kaşûnê yê ku li Midûriya Bajêr a Werziş û Ciwaniyê yê Bajêr da peywirê dike got ku werzişvanan havînê di Şampiyonaya Bîatlonê ya Tirkiyeyê da serkeftineke mezin bi dest xistin.

Bîlge got ku her tim antrenmanên xwe dikin û wiha axivî:

"Wekî her sal berî meh û nîvekê piştî ku li Çiyayê Nemrûdê berf hat me dest bi antrenmanên xwe kir. Em li Nemrûdê di bin sifirê 15 û 20 pileyan da xebitîn. Werzişvanên me heta nîvê şevê bi fedakariyeke mezin xebitîn. Li herêma Xana El Emanê berf hat û 20 roj in em li vir dixebitin. Werzişvanên me bi hemû hêza xwe va ji bo Pêşbaziya Seridandina Reva Biliyan a ku dê li Erziromê bê kirin û Pêşbaziya Etaba Bîatlonê ya ku dê pişt ra bê kirin amadehiyê dikin. Em ê vê heyamê jî serkeftinên xweşik bi dest bixin."

Bîlge da zanîn ku di tîma neteweyî da 5 werzişvanên wan hene û hedef dikin ku vê jimarê zêde bikin û got ku bila heyama kaşûnê ji bo hemû welêt bibe wesîleya xêrê.

Ji werzişvanan Hayrunnîsa Akbalikê jî got ku "Em amadehiya pêşbaziyên li Erziromê dikin. Armanca me ew e ku em bibin yekemîn. Li Bidlîsê hewa zehf sar e. Di bin sifirê da ye. Digel vê em antrenmanê dikin."