Tevfîk Olcayê li Eruha navçeya Sêrtê dijî ji diya xwe hînî çêkirina sabuna bitimê bû û niha salê 30 ton sabun çêdike.

Olcayê 45 salî li Demircilera mezraya li ser gundê Bîlgîliyê dijî bavê 7 zarokan e.

Olca ji diya xwe hînî çêkirina sabuna bittmê bû û niha debara xwe bi vî karî dike.

Olca bi jina xwe û 3 zarokên xwe va ji daran kizwanê berhev dike û dike sabun.

- "Ez ji diya xwe hîn bûm û min ji xwe ra kire pîşe"

Olca ji nûçegihanê AAyê ra daxuyand ew debara xwe bi vî karî dike û wiha behsa çêkirina wê kir: "Em kizwanên hatine hêrandin dixin sitîlan dikelin. Paşê ji bo ku rûnê wê derkeve em xweliyê li ser zêde dikin. Paşê em rûnê wê parzûn dikin û dixin satileke paqij. Li gor mîqtarê em madeyê kostîk dixin ser û qasî 5-6 saetan dikelinin da ku bibe sabun. Em vê dixin qaliban û zîha dikin. Serê tonê qasî hezar û 500 lire dimîne. Ji sê kîlo û nîv kizwanê kîloyek sabun derdikeve. Bihayê sabuna bi qalîte ya bitimê herî kêm 60 lire ye."

Olca got ji dervayê welêt û hundirê welêt gelek siparîş tên, ew bi malbata xwe va sibê heta êvarê dixebite ku sabunê çêbike.

Olca anî ziman heke tesîseke wan a baş hebe ew dikare salê 100 ton sabun, ji bilî sabunê şampuan û kremê jî çêbike û wiha pê da çû: "Armanca min ew e ku di tesîseke baş da ji bitimê şampuan û krema por çêbikim."