Li Erziroma ku di 8 salên dawîn da çêre û hêşînahiya wê zêde bû û germahiya hewaya wê jî daket, hejmara leglehan zêde bûye.

Leglegên ku bajar bi gelemperî wekî guzergeha koçê bi kar dianîn, piştî ku di 8 salên dawîn da hêşînahiya bajêr ji sedî 60 zêde bû û germahiya hewaya wê jî daket, êdî havînên xwe jî li bajêr derbas dikin.

Cihên avî yên nêzîkî navenda bajêr, leglegên spî diezimînin û her wiha li deltaya Gola Tortumê jî leglegên reş ku nadir in, dihêwirin.

Di 5 salên dawîn da li korîdora Karasu-Geliyê Arasê ku dikeve navbera Aşkale, Pasînler û Xoresanê, hejmara leglegan ji sedî 30 zêde bû û derket derdora 4 hezarî.

Dr. Cemal Sevindiyê Endamê Hîndekariyê yê Beşa Makezanista Coxrafyaya Tirkiyeyê ya Fakulteya Edebiyatê ya Zanîngeha Ataturkê, ji peyamnêrê AAyê ra diyar kir ku qadên avî yên Deşta Erziromê ji hêla leglegan va tên tercihkirin.

Sevindi bal kişand ku ew di heman demê da û li mesafeyên diyar leglegan dijmêrin û nîveka wan distînin û wiha got, "Li korîdora Karasu-Geliyê Arasê ku dikeve navbera Aşkale, Pasînler û Xoresanê derdora 3-4 hezar leglegî hene, em zêdebûneke ji sedî 30yî dibînin."