Ji ber germbûna kurewî qeşaya li serê Çiyayê Agiriyê her diçe dihele û biçûk dibe.

Çiyayê Agiriyê ku 5 hezar û 137 mêtero bilind e û li navçeya Bazîdê ye, bi tebîet û qeşaya xwe ji çar aliyên dinyayê geştiyar û çiyageran diezimîne.

Ji ber germbûna kurewî qeşaya li serê Çiyayê Agiriyê her diçe dihele û biçûk dibe. Ekîba Ajansa Anadoluyê (AA) bi komeke çiyageran ra hilkişiya û qeşaya li serê çiyê qeyd kir.

Serokê Beşa Erdnîgariyê û Dekanê Fakulteya Fen-Edebiyatê yê Zanîngeha Agri Îbrahîm Çeçenê Doç. Dr. Alperen Kayserîlî daxuyanî da nûçegihanê AAyê û diyar kir ku ji ber germbûna kurewî qeşaya li serê Çiyayê Agiriyê her diçe biçûk dibe.

Doç. Dr. Alperen Kayserîlî diyar kir di heyamên paleoyê (Heyama Paleolîtîk) da qeşaya li Çiyayê Agiriyê bi qasî 70 kilomêtroqere bûye.

Kayserîlî destnîşan kir di salên 1900î da qeşa li ser qadeke 15 kilomêtroqere yî belav bûye û wiha got, "Di roja îroyîn da ev qeşa biçûk bûye. Di navbera bi qasî 4,5 û 5 kîlomêtroyî da ye."

Doç. Dr. Alperen Kayserîlî destnîşan kir ji ber germbûna kurewî qeşaya li serê Çiyayê Agiriyê her diçe biçûk dibe û got ku heya sala 2075an wê qeşayeke pir biçûk bimîne.