Çiyayê Sîpanê di nava sînorên Agirî, Bidlîs û Mûşê da cih digire û bilindahiya wê 4 hezar û 58 mêtre ye. Çiyagerên ku dertên tepa çiyê, rêwîtiya wan di nava kulîlkan da dest pê dike û di nava berfê da kuta dibe.

Sîpan li Tirkiyeyê çiyayê herî bilind ê sêyemîn e û di tu demsalê da ji çiyager û siruşthezan xalî nabe.

Piraniya salê tepa çiyê di binê berfê da ye û havînê wexta ku hewa germ dibe, ji herêmên cuda yên welêt çiyager berê xwe didin tepa çiyê.

Bi pêşengiya çiyagerên Kulûba Çiyagerî û Werzişên Siruştê ya Agiriyê (ADAK) gelek siruşthez ji Patnosa navçeya Agiriyê û Elcewaza navçeya Bidlîsê bi rê ketin ku hilpaskî serê çiyê bibin. Çiyager û siruşthez piştî ku gihîştin herêma şiverêyan, çadirên xwe yên kampê vegirtin û demekê veleziyan, westa xwe danîn da ku hilpaskî çiyê bibin.

Çiyager û siruşthez ji bo ku di germê da nemînin, nîvê şevê di binê tavehîvê da dest bi hilpaskbûnê kir û tava sibê temaşe kir û nêzî danê nîvro xwe dane tepê.

Çiyager ji şiverêyan ra hilpask bûn, carinan rastî keviran hatin û ji nava kulîlkên rengîn ra di 9 saetan da xwe dan lûtkeya çiyê.

Çiyageran li lûtkeya çiyê geriyan, navê xwe di deftera bîrdariyê da nivîsîn û paşê peya bûn.

Ji çiyageran Emre Yildiz diyar kir ku ew cara ewil hilpaskî Çiyayê Sîpanê bû û nîvê havînê meşa li ser berfa lûtkeya çiyê xweş e.