Jiyan

Givîja fêkiya çiyan ji bo gundiyan deriyê dahateke din e

İbrahim Atmaca   | 15.10.2020
Givîja fêkiya çiyan ji bo gundiyan deriyê dahateke din e

Malatya

 Li Darendeya navçeya Meletiyê welatiyên ku li gundan dijîn, li serê çiyan givîjan berhev dikin, difroşin û piştgiriyê didin aboriya mala xwe.

Şêniyên taxa Aşagiulupinarê bi traktoran dertên serê çiyan û 4 cure givîjan berhev dikin û difroşin.

Bi givîjê reçel, marmelat û sirke tê çêkirin û li gor baweriyê ev fêkî ji bo nexweşiyên qelb, tansiyon û mîdeyê baş e.

Ji gundiyan Murat Kul daxuyanî da nûçegihanê AAyê û diyar kir ku di pêvajoya pandemiyê da eleqeya ser çavkaniyên şifayê yên siruştî zêdê bû.

Givîja fêkiya çiyan ji bo gundiyan deriyê dahateke din e

Li Darendeya navçeya Meletiyê welatiyên ku li gundan dijîn, li serê çiyan givîjan berhev dikin, difroşin û piştgiriyê didin aboriya mala xwe. ( Ayhan İşcen - Anadolu Agency )

Kul diyar kir ku li gor baweriyê givîj çavkaniya şifayê ye û wiha dewam kir, "Em payîzê bi malbatî dertên serê çiyan û heta 4-5 tonî givîjan berhev dikin. Em ji givîjê marmelat, pestîl û sirkeyê çêdikin. Em hem li bazarê difiroşin, hem ji bajarên mezin ên weke Stenbol û Enqereyê ra dişînin. Di pêvajoya pandemiyê da rexbeta ser givîjê zêde bû. Qasî ku em dizanin givîj ji bo nexweşiyên qelb û tamaran, nexweşiyên mehdeyê û nexweşiyên hilmijê ra baş e."

Kul wiha dewam kir:

"Givîj li serê çiyayên gundê me, dêmî hêşîn dibe, bi temamî organîk e. Em 20 kîlomêtreyî dertên zozanan û serê sibê di hênikahiyê da berhev dikin. Tucar êvarê kîloya wê di navbera 5-7 lireyî da ji me dikirin. Ew jî li bazaran kîloya wê di navbera 10-12 lireyî da difroşin. Givîj li cihên bilind çêdibe. Diriyê dara wê hene. Berhevkirina wê bi zehmet be jî payîzê ji me ra dibe deriyê dahateke baş."


Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın