Li Hekariyê kesên ku ji adrenalînê hez dikin û bi pereşûtê ra eleqedar dibin, piştî ku beşdarî perwerdeyê bûn, bi firînên yekane û tandem ser girên guncaw û asîmanên bajêr rengîn û şên kirin.

Hekariya ku bi çiyayên bilind û bi erdê xwe yê asê dorpêçkirî ye, bi çalakiyên xwe yên pereşûtê û her weha werzîşên wekî çiyagerî, meş û kaşûnê derdikeve pêş.

Pîlotên Mamosteyên Pereşûta Berpalê yên Komeleya Hewayî ya Tirkiyeyê Hasan Tur û Serkan Sarikaya ji bo ciwanên ku bi asîmangeriyê ra eleqedar dibin perwerdehî dan destpêkirin.

Di nava hezkiriyên pereşûta berpalê yên ku beşdarî perwerdehiya teorîk û pratîkî ya du hefteyan bûn, kesên ku li adrenalînê digeriyan, bi mamosteyên xwe ra li ser girên firînê yên li bajarokê Durankaya û Navenda Kaşûnê ya Mêrga Botan hem firînên yekane û hem jî yên tandem pêk anîn.

Werzişvanan bi bilindbûna ji metreyan asîmanê Hekariyê yê ku bi çiyayan dorpêçkirî ye, rengîn kirin û di heman demê da demên bi kelecan derbas kirin, derfet dîtin qabiliyeta xwe pêşve bibin.

Hasan Tur ji nûçegihanê AAyê ra got ku ew demeke dirêj e li herêmê çalakiyên perwerdehiyê li dar dixin û gelek ciwan bi asîmanan dane nasîn.

Serkan Sarikaya diyar kir ku wan di çalakiya perwerdeyê da ezmûneke baş derbas kir û got ku em demeke dirêj e plan dikin ku li bajêr çalakiyan li dar bixin.

Doktora pispor Ayşe Okuducuya ku beşdarî perwerdeyê bû, got ku wê perwerdehiya pereşûtê wergirtiye û ev ezmûna wê ya yekem e.