Li Hîzana navçeya Bidlîsê, ekîbên berfê digel sir û serma û her wiha xetereya şepeyê, xebata xwe ya vekirina rêyên gundan didomînin.

Ekîbên berfê yên Rêveberiya Taybet a Navçeyê ji bo ku welatiyên li gundan bi awayekî ewle di rêyan da biçin, bênavber xebatên xwe yên vekirina rêyên ji ber berf û bagerê hatine girtin, didomînin.

Ekîb digel rîska şepeyê û her wiha sir û seqemê, xebatên xwe dewam dikin. Ekîb ji aliyekî va rê vedikin ku ekîbên tenduristiyê bi hawara nexweşan biçin û ji aliyekî din va jî bi hawara kesên di rêyan da mehsûr dimînin, diçin.

Şiar Gumuşê Midûrê Rêveberiya Taybet a Navçeyê ji peyamnêrê AAyê ra diyar kir ku li navçeyê 79 gund û 120 mezra hene û ew di tora rêyan a 810 kîlometre dirêj da xebatên berfê dimeşînin.

Gumuş bal kişand ku ew li 2 şantiyeyan bi 9 wesayît û 16 personelî va xebatên dijî berfê dimeşînin da ku welatî di rêyan da ewle biçin û bên.

Gumuş her wiha destnîşan kir ku li navçeyê rêyên gudan ên raqim 2 hezar û 500 hene û wiha dewam kir:

"Îsal li navçeya me berfa herî zêde ya 10 salên borî bariya. Li gundên me yên raqim 2 hezar û 500î hema hema berfa bi qasî 4-5 metreyî stûr heye. Ji bo welatiyên me mexdûr nebin û çûn û hatin asteng nebe, ekîbên me 7 roj 24 saet li qadê dixebitin."