Walîtiya Enqereyê ragihand ku bêhna teniyê ya ku li giştiyê bajêr tê hîskirin, ji ber wan şewatan e ku li Kastamonuyê dewam dikin û her wiha bi tesîra bayên bakur tê hîskirin.

Di daxuyaniya Walîtiyê da wiha hat gotin:

"Li gorî agahiyên ji Midûriyeta Herêmê ya Daristanê û Serokatiya Daîreya Îtfaiyeyê hat wergirtin, diyar bû ku bêhna teniyê ya ku li giştiyê bajêr tê hîskirin, ji ber wan şewatan e ku li Araça Kastamonuyê dewam dikin û her wiha bi tesîra bayên bakur gihêştiye parêzgeha me û di nav sînorên parêzgeha me da tu bûyereke şewatê tuneye. Ji bo agahdarbûna gelê me."

Ji aliyê din va eşkere bû, ji ber bêhna ku ji êvarê û pê va xwe nîşan da, bo 112 Navenda Gazî û Hawarê gelek îxbar hatin kirin.

Di daxuyaniya Midûriyeta Giştî ya Meteorolojiyê da jî hat diyarkirin, tenî û dûyê şewatên daristanê yên ku li Kastamonu û Karabukê dewam dikin, bi tesîra bayên bakur li giştiyê Enqereyê tesîra xwe nîşan da.

Di daxuyaniyê da her wiha hat destnîşankirin ku tê pêşbînîkirin, dû û konsantrasyona bi bayê ra tê, dê piştî periyota 24 saetên li pêş me kêm bibe.