Di meha Remezanê da welatiyan berê xwe da Palandokena li Erziromê ku navendeke giring a kaşûnê ye.

Navenda Kaşûnê ya Palandokenê ku her sal mazûvaniya bi dehan çalakiyên werzişên zivistanê dike û pêşwaziya bi hezaran geştiyarên navxweyî û biyanî dike, sezona xwe didomîne.

Navenda ku bi qasî 20 kîlometroyan dûrî balafirgehê û 4 kîlometroyan dûrî navenda bajêr e, stûriya berfê gihiştiye 216 santîmetreyî.

Welatiyên ku tên navenda kaşûnê bi xizank û snowboardê kêfê dikin.

Erden Erkut Erkolê ku ji Stenbolê ji bo kaşûnê hatiye, ji nûçegihanê AAyê ra got ku Navenda Kaşûnê ya Palandokenê ji bo geştiyariya zivistanê cihekî giring e û li cîhanê bi nav û bang e.

Ahmet Rifat Dogramaciyê ku ji Kahramanmaraşê hatiye jî got ku ew ji Navenda Kaşûnê ya Palandokenê pir hez dike.